MiLAF नेपाल आयोजित कएलक साहित्यिक तथा साँस्कृतिक कार्यक्रम राजविराज भादओ २८ नेपाल लोकस्टार प्रतियोगी सुष्मा झा सहित सुभाष विरपुरिया आ...
MiLAF नेपाल आयोजित कएलक साहित्यिक तथा साँस्कृतिक कार्यक्रम
नेपाल लोकस्टार प्रतियोगी सुष्मा झा सहित सुभाष विरपुरिया आ सरोज कुमार रामकेँ एकटा सादा समारोहक बीच सम्मानित कएल गेल अछि ।
मिथिला साहित्य कला प्रतिष्ठान नेपालक अध्यक्ष श्रीराम कुमार मण्डलक अध्यक्षता आ मैथिली साहित्यकार करुणा झाक प्रमुख आतिथ्यमे प वि मा वि राजविराजक सभा कक्षमे भादओ २८ गते आयोजित मैथिली साहित्यिक तथा साङ्गितिक कार्यक्रमक श्रृंखला २२ मे प्रमुख अतिथि करुणा झा प्रतिष्ठान नेपालक पूर्व अध्यक्ष देवेन्द्र मिश्र आ मैथिल महिला परिषद राजविराजक अध्यक्ष शान्ति झाद्वारा तीनू गोटेकेँ डोपटा आ सम्मान पत्रसँ सम्मानित कएल गेल ।
एहिसँ पहिने मैथिली साहित्यिक तथा साङ्गितिक कार्यक्रमक श्रृंखला २२ अन्तर्गत ई. दिव्यानन्द मिश्र,डाक्टर रञ्जित झा,शान्ति झा,ललिता झा,धीरेन्द्र मण्डल मधेशी, कृष्ण मैथिल, गायत्री मिश्र,शम्भूश्री,करुणा झा आदिद्वारा कविता गजल गीत प्रस्तुत कएल गेल ।
